Cyrilgm

മറവി ഒരു രോഗമല്ല; പിന്നെയോ മനുഷ്യനു കനിഞ്ഞു കിട്ടിയ ഒരു വരദാനമത്രേ. ലഭിച്ചു വന്ന ഉപകാരങ്ങള്‍ മറക്കാൻ  ചെയ്തു കൂട്ടിയ തെറ്റുകൾ മറക്കാൻ  അനുഭവിച്ചറിഞ്ഞ സ്നേഹബന്ധങ്ങള്‍ മറക്കാൻ  പരിപാലിച്ച് വന്ന പ്രകൃതിയെ മറക്കാൻ  അങ്ങനെ തന്നെ താനാക്കിയതെന്തും സൗകര്യപൂര്‍വ്വം മറക്കാൻ കിട്ടിയ ഒരു വരം...

കപടതകളുടെ ഈ ലോകത്ത് സാമാന്യ അളവിൽ കവിഞ്ഞതെന്തും ഒരു മുൻകരുതലോടെ വേണം നാം കൈകാര്യം ചെയ്യാൻ. അതിപ്പോ ആത്മാർത്ഥ സ്‌നേഹം ആണെങ്കിൽ പോലും...

നാം ഓരോരുത്തരും ഓരോ നിമിത്തങ്ങളാണ്. പലരുടെയും ജീവിതത്തിൽ ഓരോ വഴിതിരിവുകൾക്കും നാം അറിയാതെ തന്നെ കാരണമാവുന്നു. പ്രപഞ്ചം നിയന്ത്രിക്കുന്ന ആ ശക്തിക്കു വേണ്ടി പ്രവർത്തിക്കുന്ന നിമിത്തങ്ങൾ...

മഞ്ഞിന്‌ മഴയോട് പ്രണയമായിരുന്നു അതുകൊണ്ടാണ് മഴ പെയ്തൊഴിഞ്ഞ വഴികളിൽ മഞ്ഞ് തേടി വരുന്നത്...

ഭൗതിക സൗകര്യങ്ങൾക്ക് വേണ്ടി ബന്ധങ്ങൾ മറന്നുകൊണ്ടുള്ള ത്യാഗങ്ങൾ മറന്നുകൊണ്ടുള്ള പ്രകൃതിയെ മറന്നുകൊണ്ടുള്ള മനുഷ്യന്റെ ത്വരയെ സമൂഹം കാര്യപ്രാപ്തി എന്ന പേരിട്ട...

ചില പാട്ടുകൾ ഓരോ ഓർമകളാണ് തിരിച്ചു വരാത്ത ഇന്നലെകളിലേക്കുള്ള മനസ്സിന്റെ യാത്രയാണ്...

ഭയത്തിന്റെ അവസാന കനലും അണയുന്നിടത്താണ് പ്രതീക്ഷയുടെ നാമ്പുകൾ വിരിയുന്നത്. മുന്നിൽ വരുന്ന ഏതു വെല്ലുവിളിയും തരണം ചെയ്യാനുള്ള ഊർജ്ജം നിറയുന്നത്...