വാതിൽ

ഓരോ വീടിനും  അനുയോജ്യമായ രീതിയിലാണ് അതിന്റെ വാതിൽ വരുന്നത്. ആ വാതിൽ വഴിയാണ് ആ വീട്ടീലോട്ട് പ്രവേശിക്കുന്നതിനുള്ള ഏറ്റവും എളുപ്പമാർഗം. മറിച്ച് ജനലു വഴിയോ അഥവാ മേൽക്കൂര പൊളിച്ചോ മറ്റോ കയറുവാൻ ശ്രമിച്ചാൽ അത് വളരെ ദുഷ്കരമായി തീരും. അത് പോലെ തന്നെയാണ് നമ്മുടെ ജീവിതത്തിലെ പ്രശ്നങ്ങളും . ഓരോ പ്രശ്നവും പരിഹരിക്കാൻ അതിന് യോജിച്ച ഒരു മാർഗം ഉണ്ട് . ആ മാർഗം കണ്ടെത്തുക എന്നതിലാണ് നമ്മുടെ വിജയം. അതിനു പകരം മറ്റ് മാർഗ്ഗങ്ങൾ തേടുമ്പോഴാണ് ഏത് പ്രശ്നങ്ങളും ദുഷ്കരമാകുന്നത്. ഏത് പ്രശ്നത്തേയും അതിനു അനുയോജ്യമായ രീതിയിൽ സമീപിക്കുക. വാതിലുകൾ നമ്മുടെ മുൻപിൽ തുറന്നു വരുക തന്നെ ചെയ്യും.